அனாதி தேவன் உன் அடைக்கலமே
அவர் நித்தியப் புயங்கள் உன் ஆதாரமே

இந்த தேவன் என்றென்றும் உள்ள
சதாகாலமும் நமது தேவன்
மரண பரியந்தம் நம்மை நடத்திடுவார்

காருண்யத்தாலே இழுத்துக் கொண்டார்
தூய தேவ அன்பே
இவ்வனாந்திரத்தில் நிழல் கொடுத்து உன்னை
இனிதாய் வருந்தி அழைத்தார்

கானகப் பாதை சூழும் இருளில்
தூய தேவ ஒளியே
அழுகை நிறைந்த பள்ளத்தாக்குகளை
அரும் நீரூற்றாய் மாற்றினாரே

கிருபை கூர்ந்து மனது உருகும்
தூய தேவ அன்பே
உன் சமாதானத்தின் உடன்படிக்கைகளை
உண்மையாய் கர்த்தர் காத்துக்கொள்வார்

வறண்ட வாழ்க்கை செழிப்பாய் மாறும்
தூய தேவ அருளால்
நித்திய மகிழ்ச்சி தலைமேல் இருக்கும்
துயரமும் தவிப்பும் ஓடிடும்